Чет-Булак кварталында 7 кызматтык үйдүн курулушу жүрүп жатат. Үйлөр Баткен районуна жана шаарына ротация жолу менен которулуп келген аким-мэрлерге жана башка которуу жолу менен келген жетекчилерге берилет. Бул тууралуу Баткен аймактык шаар куруу жана архитектурасынын билдирди.
Дубалдар тургузулуп, чатыры толугу менен жабылган. Учурда үйдүн ичиндеги курулуш иштери кызуу жүрүп жатат. Анда 15ке жакын куруучу иштеп жатат. Үйлөр заман талабына жараша курулуп, бир ай убакыт ичинде бүткөрүлөт. Үйлөр жеңил конструкция менен курулууда.
Белгилей кетсек, облус аймагында 31 кызматтык үйлөр курулуп жатат.
