Ош облусуна караштуу Өзгөн районунун Карл Маркс айылынын Кызыл-Күңгөй тилкесинде жер кыртышы активдешип, болжол менен 1 млн куб метр жер көчкү түшкөн.
Өзгөчө кырдаалдар министирлигинен билдиришкендей, кырсык 22-мартта таңкы саат 05:00дө орун алган. Аталган тилкеде 18 турак үйгө коркунуч пайда болуп, үйлөргө 300 м аралык калган.
Учурда айыл өкмөт тарабынан турак үйлөрдүн тургундарын коопсуз жайга көчүрүү иштери жүргүзүлүүдө.
Жер көчкү 2017-жылдын жаз айларында активдешип баштаган. 2022-жылдын 5-сентябрында ӨКМ тарабынан кооптуу деп табылган, 18 турак үйдүн жашоочуларын көчүрүү керек экендиги сунушталган.
