Баткенде 3,5 тоннага жакын контрабандалык аммиак селитрасы аныкталды. УКМКдан кабарлашкандай, 18-мартта Баткен-Раззаков унаа жолунда Лейлек районунун 39 жаштагы тургундун башкаруусундагы “Мерседес Бенц Спринтер” үлгүсүндөгү автоунаа токтотулуп, унаадан жалпы салмагы 3,5 тоннага жакын аммиак селитрасы табылган. Айдоочунун жанында тиешелүү коштоочу документтери болгон эмес.
Унаа жана кармалган жүк “Орто Боз” чек ара заставасынын аймагына жайгаштырылып, тиешелүү ыкчам издөө иш-чаралары жүргүзүлүүдө.
