Өзгөчө кырдаалдар министрлиги күтүлүп жаткан туруксуз аба ырайына байланыштуу маалымат таратты. 11-октябрдын экинчи жарымында жана 12-октябрда Кыргызстанда аба ырайы кескин өзгөрөт.
Чүй, Талас, Жалал-Абад, Ысык-Көл облустарында жаан жаап, бийик тоолуу райондордо кар жаашы мүмкүн. Ош жана Баткен облустарында жаан-чачын күтүлбөйт.
13-октябрда да жаан жаашы ыктымал. Абанын температурасы төмөндөп, шамалдын ылдамдыгы секундасына 15-20 метрге жетиши мүмкүн.
14-16-октябрларда туруксуз аба-ырайы уланат. Мезгил-мезгили менен жаан жаап, тоолуу райондордо кар жаашы күтүлүүдө.
Мындан улам министрлик, жашоочуларга, айрыкча автоунаа жана коммуналдык кызматтар үчүн даяр болуу сунушталат.
