Кызыл-Кыя шаарынын 75 тургуну социалдык контракттын каражатын алды. Бул боюнча шаардык бийликтен билдиришти.
Ага ылайык, 2024-жылга шаар аймагы үчүн «Социалдык контракт» түзүүгө 75 квота бөлүнгөн. Социалдык контракт түзгөн тургундардын 31и мал чарбачылыгы боюнча, 16сы соода-сатык, 16 такси кызматы сегизи тигүүчүлүк тармагында иш алып бармай болушкан. Мындан сырткары кондитер иши, сулуулук салону, ширетүү иштери жана бала бакча ачуу тармактары боюнча бирден тургун 100 миң сом өлчөмүндө каражат алды.
