Бүгүн, 3-октябрда Баткен шаарында 25 балага ылайыкташкан үй тибиндеги бала бакча ачылды. Бул тууралуу шаардык бийликтин маалымат катчысы билдирди.
Маалыматка караганда, бала бакчаны шаар тургуну Наргиза Нооманжан кызы ачкан. Бакчанын ачылуу аземине бир катар бийлик өкүлдөрү катышты.
Шаардык бийлик Баткен шаарында, жеңилдетилген талаптар менен үй-тибинде бала бакча ачууну каалаган ишкерлерге Баткен шаарынын мэриясына кайрылса болорун кошумчалады.
