Чек ара кызматы Лейлек районунун Арка-Борбордук унаа жолунда Тажикстандан аткезчилик жол менен жүк ташыган алты унааны кармады.
Маалыматка караганда, унаалардан 3 тоннадан ашык эт азыктары, болжол менен ошончо сандагы жууп-тазалоочу каражаттар, ошондой эле колдонулган аккумуляторлор табылган. Ошол эле учурда кармалган унааларга жасалма номерлер орнотулган.
Бул факт боюнча иштин бардык жагдайларын жана ага тиешеси бар адамдарды аныктоо боюнча тиешелүү ыкчам-тергөө иш-чаралары жүргүзүлүүдө.
