Бул тууралуу мамлекеттик бажы кызматынан билдиришти.
Маалыматка таянсак, өзбек жаранынын башкаруусундагы «MERCEDES-BENZ 516CDI» үлгүсүндөгү унаанын жүк салонун текшерүүдө 156 рулон пахтадан жасалган кездемелер табылган. Жүктүн жалпы салмагы 2953 кг түзгөн.
Соода-өнөр жай палатасынын Баткен облустук бөлүмүнүн корутундусуна ылайык товардын баасы 1 476 450 сомду түздү. Кадамжай шаардык сотунун чечими менен «MERCEDES-BENZ 516CDI» үлгүсүндөгү автоунаа, ошондой эле 150 рулон кебез кездеме мамлекеттин эсебине конфискацияланды.
Чогултулган материалдар Баткен облустук прокуратурасына өткөрүлүп берилди.
