Катардын Доха шаарында өтүп жаткан Футбол боюнча Дүйнө чемпиондугунда бүгүн Англия менен Ирандын командалары беттешет. Андан кийин Сенегал менен Нидерланддын командалары таймашат.
20-ноябрь күнү кечинде Катардагы «Эль-Байт» стадионунда турнирдин ачылыш аземи өттү. Мелдеш 20-ноябрдан 18-декабрга чейин созулат.
Маалым болгондой, биринчи таймашта Катар жана Эквадордун курама командалары беттешип, катардыктар 0:2 эсебинде жеңилди. Бул дүйнө чемпионатынын ачылыш матчында кабыл алуучу өлкө турнирден утулган тарыхтагы алгачкы учур. Турнир классикалык система боюнча өтүп жатат: 32 команда сегиз тайпага бөлүнгөн, плей-оффко тайпадагы алдыңкы эки топ чыгат. Финал 18-декабрда өтөт.
Белгилей кетсек, 2022-жылдын Дүйнө чемпионаты өтүп жаткан мезгили менен эле эмес, өтүп жаткан жери менен да айырмаланат. Чемпионат биринчи жолу мусулмандар басымдуулук кылган араб өлкөсүндө өтүүдө.
