1-октябрга карата Кыргызстанда пенсионерлердин саны 735,7 миң адамды түздү. Бул тууралуу Социалдык фонддун басма сөз кызматы маалымдады.
Маалыматта белгиленгендей, «Пенсионерлердин турмуш деңгээлин колдоо максатында 2022-жылдын 1-октябрынан тартып пенсиянын базалык бөлүгү 1780 сомдон 3170 сомго чейин, ал эми пенсиянын камсыздандыруу бөлүктөрү 15%га жогорулады.
Мындан улам, жалпы пенсиянын орточо өлчөмү 8080 сомду түздү, бул жыл башындагы пенсиянын өлчөмүнөн 33%га жогору.
