5-июнда Жети-Өгүз районунда эки кыз көлгө чөгүп жаткандыгы тууралуу Өзгөчө кырдаалдар министрлигине маалымат түшкөн. Бул тууралуу аталган министрликтин басма сөз кызматы билдирди.
Куткаруучулар жерине жеткичекти райондун Кой-Сары аскер базасынын кызматкерлери чөгүп бара жаткан кыздарды катер менен сүзүп барып, өмүрүн сактап калышкан.
Алдын ала маалыматка ылайык, кыздардын абалы оор экени айтылды. Алар Липенка айылынын 22 жаштагы тургундары.
