Баткен облусунун Кадамжай районунда курал-жарак сакталган жай табылды. Бул тууралуу Улуттук коопсуздук мамлекеттик комитетинен билдиришти.
Атайын иликтөө иш-чараларынын натыйжасында Кадамжай районунун тургуну кармалып, жашаган жеринде тинтүү жүргүзүлгөн.
«Тинтүүнүн натыйжасында 220дан ашуун ар кандай калибрдеги ок-дарылар, 3 даана ок атуучу курал, 1 даана граната, 230 даана ок, АК-74 магазини, мылтык үнүн баскычы табылып алынды», — деп айтылат маалыматта.
Кармалган жаран убактылуу кармоочу жайына киргизилди.
