Чек ара кызматынан билдиришкендей, 10-февралдан 12-февралга чейин кыргыз-кытай чек арасы жабык болот.
Маалыматка ылайык, бул күндөрү Кытайда Жаңы жыл майрамынын урматына атайын фестиваль өткөрүлөт. Андыктан «Торугарт унаа жолу», «Эркечтам унаа жолу» бекеттеринен өтүүгө болбойт. Чек ара бекеттери 13-февралдан тарта кайра ачылып, кадимки режимде ишин улантат.
Алынган маалыматтарда Кытай жаңы жылы – Чуньцзе бул жылы 10-февралга туш келген. Бул датаны майрамдоо 24-февралга чейин уланат.
