Кыргызстан менен Тажикстан чек аранын 17,98 чакырымын макулдашылып, тийиштүү протоколго кол коюлду. Бул тууралуу министрлер кабинетинен билдиришти.
Маалыматка караганда, жыйын Тажикстандын Бустон шаарында өттү. Эки өлкөнүн чек араны делимитациялоо жана демаркациялоо боюнча өкмөттүк делегациялары бир жума чогуу иш алып барышкан. Кийинки жыйын Кыргызстандын аймагында өтөт.
Эске салсак, өткөн жумада Министрлер кабинетинин төрагасы Акылбек Жапаров, өкмөт кыргыз-тажик чек арасын жаңы жылга чейин чечүүнү пландап жатканын билдирген.
