Кыргызстандын футбол боюнча өспүрүмдөр курамасы Белорусияда өтүүчү Өнүгүү Кубогуна катышат. Учурда Бишкек шаарында даярдыктар көрүлүүдө. Бул тууралуу Кыргыз футболдук союзунан кабарлашты.
Маалыматка караганда, Кыргызстандын 2009-жылдан улуу эмес оюнчулардан куралган командасы окуу-машыгуу жыйындарынан өтүүдө. Машыгуулар Бишкекте 22-сентябрдан 30-сентябрга чейин уланат.
Өнүгүү Кубогунда кыргыз курамасы Россия, Беларусия жана Тажикстандын курамалары менен беттешет.
Белгилей кетсек, Өнүгүү Кубогунун оюндары 2-октябрдан 9-октябрга чейин Беларусиянын Минск шаарында өтөт.
