Кыргыз-тажик чек арасынагы соңку куралдуу калабага туура бир жыл толду. Былтыр 14- сентябрда ок атышуу менен башталган чыр 16 — сентябрда күч алган. Анда кыргыз-тажик чек арасынын бардык перимертинде атышуулар катталып, Баткен жана Лейлек райондорунан 140 миңге жакын тургун коопсуз аймакка чыгууга мажбур болду. Ал эми бул кармашта Кыргызстандын 63 жараны курман болгон. Алардын 12си жай тургундар эле. Ошол окуяда эвакуация учурунда жол кырсыгына учурап дагы 12 жергиликтүү көз жумган. Курман болгондордун 51и аскер кызматкерлери.
