Өлкө башчысы Садыр Жапаров кол койгон жарлыкка ылайык, үстүбүздөгү жылдын 1-сентябрынан тарта дарыгерлер персоналынын кызматтык маяналары 50 %га чейин, орто медперсоналдын маянасы 20 %га чейин, кенже тейлөөчү персоналдын, ошондой эле тез жардам кызматынын айдоочуларына кызматтык маяналары 10%га чейин жогорулатылат.
https://president.kg/news/all/25490
Садыр Жапаров маяна жогорулагандан кийин медкызматкерлер канча айлык ала баштарынын бир нече мисалын келтирди:
Эгерде мурда алыскы аймактарда иштеген жалпы хирург 20 136 сом маяна алса, эми айлыгы көтөрүлүп, компенсация алгандан кийин 50 205 сом ала баштайт;
35 481 сом алган анестезиолог, реаниматолог-врач айлыгы көтөрүлүп, компенсация төлөнгөндөн кийин 73 222 сом алат;
32 474 сом айлык алган педиатр айлык маянасы көтөрүлүп, компенсация төлөнгөндөн кийин 68 709 сом алат;
Буга чейин клиникалык ординатордун стипендиясы 1 200 сом болчу. 1-июлдан тарта стипендиясынын суммасы 20 миң сомду түзөт.
