Баткен районунун Көк-Таш, Ак-Сай, Таш-Тумшук айылдарынын аксакалдары менен Тажикстандын Согди облусунун Чорку жамаатынын Самонен, Майский кыштагынын аксакалдары жолугушту. Бул тууралуу Баткен ОИИБнын басма сөз кызматы билдирди.
Аксакалдар эки элдин ортосундагы карым-катнашты бекемдөө, кошуналык мамилени улантуу максатында чектешкен аймактарда жолугушууларды өткөрүп жатат. Эки тараптын аксакалдары суусу бир, базары бир болгон кошуна элдин мамилесин чыңдоого, тынч жашоого жаштарды чакырып, карым-катнашты бекемдөө боюнча сөз беришти деп айтылат маалыматта.
Коопсуздукту камсыздоо максатында Баткен жана Тажикстандын Исфара райондорунун милиция жетекчилери да, аксакалдардын жолугушууларына катышты.
