Кыргызстандагы көз карандысыз маалымат каражаттары үч саат бою жаңылык жарыялаган жок

Тагыраагы бүгүн 28-октябрда, көз карандысыз медиа каражаттары арасында үч сааттык  “Күч чындыкта” тилектештик  акциясы өттү. Анда  ЖМКлар  саат 9:00дөн 12:00гө чейин маалыматтык сайттарында жаңылык жарыялашкан жок.

Алар Маданият, маалымат, спорт жана жаштар саясаты министрлигинин “Азаттыктын” сайтын  эки айга бөгөттөгөн чечими туура эмес деп эсептеп, ага каршылык иретинде ушундай акция жасашты.  Муну көз карандысыз ЖМКлар Кыргызстандагы сөз эркиндигине болгон кысым деп баалашууда.