Өзгөчө кырдаалдар министрлигинин токой кызматы тарабынан эки гектар жерге көчөт отургузулду. Бул тууралуу аталган министрликтин басма сөз кызматы кабарлады.
Маалыматка ылайык, “Жашыл Мурас” улуттук кампаниясынын алкагында уюштурулган ишембиликте Үч-Коргон токой чарбасында 1110 даана ит мурун көчөттөрү отургузулду.
Ушундай эле маанидеги жашылдандыруу иштери жакынкы күндөрү облустун башка аймактарында да уланат.
Үч-Коргон токой чарбасынын мамлекеттик токой фондусунда жалпы 150 га жакын жер аянты болсо, анын ичинен 59232 га токойлуу аянты бар.
